Plantun de Prouvènço

Pèr coumpara dos planto d'encò nostre

Reseda alba subsp. alba & Thymus embergeri

Cascavèu(-blanc)

Reseda alba subsp. alba

Resedaceae

Autre noum : Reseda.

Nom en français : Réséda blanc.

Descripcioun :
Lou cascavèu-blanc de la subsp. alba, es un grando planto raro au nostre. Trachis dins quàuquis endré proche d'oustau. Se recounèis à si lònguis enflourejado blanco e à si fru en cascavèu. La subsp. hookeri, pu pichoto, trachis dins la sablo en ribo de mar e èi mai coumuno. Regardas tambèn li àutri cascavèu pèr pas s'engana. Coumpara emé la subsp. hookeri.

Usanço :
Se dis que li grè manjon li jòuini fueio coume liume.

Port : Grando erbo
Taio : 50 à 150 cm
Fueio : alterno
Tipe bioulougico : Emicriptoufite
Cicle bioulougico :

Gènre : Reseda
Famiho : Resedaceae

Coulour de la flour : Blanco
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Tepiero seco - Sablo cauquiero
Estànci : Termoumediterran à Mesoumediterran
Couroulougi : Pancaro entresigna
Ref. sc. : Reseda alba subsp. alba L., 1753

Ferigouleto(-d'Emberger)

Thymus embergeri

Lamiaceae Labiaceae

Àutri noum : Farigouleto, Serpoulet, Badassoun, Menudet.

Nom en français : Thym d'Emberger.

Descripcioun :
Aquesto ferigouleto trachis en basso prouvènço sus sòu argielous, dins de pelouso bagnado l'ivèr, mai secarouso l'estiéu. Coume tóuti li serpoulet èi pas di mai eisado de destria. Fai partido dóu group di fueio ciliado emé de ramo lateralo que crèisson dins l'an d'un biais iregulié e flourisson (planto simpoudico). Aquésti ramo de flour an li fueio de la baso en fausso-rouseto. Li cambo pulèu roundo porton de péu sus tóuti li cousta. Lis enflourejado formon uno tèsto .

Usanço :
La ferigouleto-d'Emberger a à pau près li mémi prouprieta qu'aquéli de la ferigoulo estènt quand meme mens forto.

Port : Erbo
Taio : 3 à 10 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Thymus
Famiho : Lamiaceae
Famiho classico : Labiaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun
Remarco : Endemico dóu miejour de Franço

Liò : Pelouso umido - Tepiero seco
Estànci : Mesoumediterran à Subremediterran
Couroulougi : Estenoumediterrano-Nord-Ouèst
Ref. sc. : Thymus embergeri Roussine, 1952

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Reseda alba subsp. alba & Thymus embergeri

ges

RRR

ges

RRR

ges

Coumpara Cascavèu(-blanc) emé uno autro planto

Coumpara Ferigouleto(-d'Emberger) emé uno autro planto